Kungiyar IS ta kai hari kan sojojin Amurka

Source link

Ayarin sojojin Turkiyya a cikin SyriaHakkin mallakar hoto
AFP

Image caption

Ayarin sojojin Turkiyya a cikin Syria

Kungiyar IS ta dauki alhakin wani hari akan wani ayarin sojojin Amurka da na wata kungiyar mayaka ta Kurdawan Syria a yankin Hasaka da ke arewa maso gabashin kasar.

A sanadiyyar wanna harin, sojoji 15 sun rasa rayukansu, inda wasu 25 kuma suka jikkata.

A wani sako da kungiyar ta IS ta fitar a shafinta na manhajar sadarwa ta Telegram, a jiya Laraba, kungiyar ta ce mayakanta sun kai wani harin bazata kan wani ayarin hadin kai na dakarun Amurka da kungiyar UDF ta Kurdawa.

Sanarwar ta kuma ce ayarin sojojin da suka kai wa harin na cikin wasu motoci masu sulke guda 30 ne, kuma harin ya auku ne a unguwar Ghuwairan na birnin Hasaka.

Bayan kungiyar ta tayar da wasu bama-bamai, wadanda halaka dakarun Amurka da na Kurdawan, amma akwai alamar ayarin sojojin sun sami sukunin bude wuta na fiye da sa’a guda kafin aka kai masu dauki.

Kungiyar IS ta kuma yi ikirarin cewa ta kashe sojoji 40 wadanda a cikinsu akwai Amurkawa da Kurdawa, amma ba ta iya fadin yawan Amurkawan da suka mutu ba.

Amma kawo yanzu ba a sami wani martani daga bangaren dakarun Amurka da na Kurdawa ba.

Da alama dai kungiyar ta IS na kokarin farfadowa ne bayan da aka fatattake ta a Iraki, domin wanna ne karo na biyu da ta kai irin wannan harin a kasa da mako biyu.

Source link



Source link

Babbar kotun Pakistan ta ce a saki Nawaz Sharif

Source link

An ce Maryam Sharif ce ta fi kowa iko a lokacin Mista Sharif na kan mulkiHakkin mallakar hoto
MARYAM SHARIF

Image caption

Nawaz Sharif da ‘yarsa Maryam

Wata babbar kotu a Pakistan ta kawar da hukuncin zaman gidan yari da aka yanke wa tsohon firai ministan kasar Nawaz Sharif da ‘yarsa Maryam da kuma surukinsa kyaftin Muhammad Safdar.

Matakin na kotun ya shafi wata shari’a ta cin hanci da rashawa ce wadda a ciki a ke tuhumar mutane ukun da mallakar wasu gidajen kawa guda hudu a birnin Landan, wanda kuma suka kasa bayyana yadda suka mallake su.

Wani rahoton gidan talabijin na harshen Urdu, ARY News, ya sanar da cewa babbar kotun Islamabad ta ce a saki Nawaz Sharif, Maryam Nawaz and Captain Muhammad Safdar daga kurkuku.

Wannan hukuncin ya zo daidai lokacin da wata kotu ke sauraran daukaka karar da lauyoyin Mista Nawaz suka shigar a wata kotun ta daban, akan shari’ar da aka fi sani da sunan “Avenfield corruption reference”, wato batun cin hanci da rashawa na gidajen Avenfield.

Waccan kotun da ta same su da laifi ta daure tsohon firai minista Nawaz Sharif shekara 11 a gidan yari, inda ta daure ‘yarsa Maryam Nawaz shekara 7, shi kuma Muhammad Safdar aka daure shi na tsawon shekara guda.

Dukkansu na zaman gidan kaso a halin da ake ciki, amma za a sake su bayan sun cika wasu sharudda da babbar kotun ta Islamabad ta zayyana. Sharuddan sun hada da biyan wasu kudaden ka’ida da mika fasfunansu ga ‘yan sanda.

Source link



Source link

Najeriya ta jinkirta kaddamar da kamfanin Nigeria Air

Source link

Ministan sufurin jirgin sama na Najeriyar Hadi Sirika a yayin kaddamar da alamomin sabon kamfanin na Nigeria AirHakkin mallakar hoto
JAMES ODAUDU

Image caption

Ministan sufurin jirgin sama na Najeriyar Hadi Sirika a yayin kaddamar da kamfanin na Nigeria Air

Najeriya ta dakatar da shirinta na kafa kamfanin sufurin jrgin sama na gwamnatin kasar, ‘yan watanni kafin lokacin da aka shirya jiragen kamfanin za su fara aiki.

An dauki wannan matakin ne a yayin zaman majalisar zartarwar kasar na mako-mako a yau Laraba.

Wannan sanarwa ta dakatar da kafa kamfanin sufurin jiragen saman na Najeriya ta zo ne da bazata, ganin cewa kasa da wata uku ya rage wato a watan Disamba na wannan shekara da ake ciki ta 2018.

Gwamnatin ta sa lokacin da kamfanin zai fara aiki, ko kuma a ce jiragen kamfanin da za a kira Nigeria Air za su fara keta hazo.

Sanarwar ta bakatatan ta fito ne daga ministan sufurin jirgin sama na Najeriyar Hadi Sirika, ta wani sakon Twitter, a lokacin zaman majalisar zartarwar kasar, na wannan mako a yau Laraba.

Ministan ya ce, majalisar a yanzu ta jinginar da aikin kafa kamfanin sufurin jirgin sama na Najeriyar.

Duk da cewa ministan ya ce, dakatarwar ta wucin-gadi ce, amma kuma bai sanar da lokacin da za a dawo kan maganar ci gaba da aikin ganin jiragen kamfanin na Nigeria Air sun fara tashi ba, abin da ake ganin da wuya ya yiwu a nan da dan gajeren lokaci domin kasar na fuskantar manyan zabukanta a shekara mai zuwa.

A watan Yuli na wannan shekara ne daman gwamnatin Najeriyar ta kaddamar da suna da kuma tambari ko alamar sabon kamfanin sufurin jirgin saman nata a lokacin bikin baje koli na Farnborough Airshow a Landan.

Wanda dama ra’ayoyin ‘yan kasar ya bambanta game da aikin wanda aka ce zai lakume Naira miliyan dubu 1 da miliyan 200.

Wasu na ganin ya dace wasu kuma musamman masu hamayya da gwamnatin Shugaba Muhammnadu Buharin ta APC da cewa kamata yayin a yi amfani da makudan kudaden a wasu ayyukan raya kasa, kamar na lafiya da ilimi.

Gwamnatin Buharin dai ta yunkuro da niyyar kafa sabon kamfanin jragen saman na Najeriyar ne, wanda zai zama kusan a gurbin, tsohon kamfaninta na Nigeria Airways wanda ya daina aiki a shekara ta 2003.

Source link



Source link

'Yan sanda sun cafke wanda ya garkame kanwarsa shekara biyu a daki

Source link

The woman sitting in a hospital bedHakkin mallakar hoto
Amit Mishra/Twitter

An kama wani mutum a babban birnin Indiya bisa zargin kullewa da kuma azabtar da kanwarsa tsawon shekara biyu.

‘Yan sanda da kuma jami’an ma’aikatar mata ta birnin Delhi sun balle kofar gidan inda suka kubutar da matar lokacin wani samame da suka kai ranar Talata.

Matar, wadda ba a fadi suna ta ba, ta rame sosai saboda yunwa don haka ba ta iya yin tafiya ko magana ko ma gane mutane ba, in ji jamai’ai.

“Shekararta 50 a duniya amma idan ka gan ta ka ce ‘yar shekara 90 ce,” a cewar wata jami’a mai suna Swati Maliwal.

Ya kara da cewa “lokacin da muka je ceto ta daga gidan, mun same ta kwance cikin kashi. Yunwa ta ci ta cinye ta yadda ba za ta iya yin komai ba.”

Ma’aikatar matan ta ce sun gano matar ne bayan wasu makwabtansu sun sanar da su halin da take ciki.

Ms Maliwal ta ce da kanta ta raka jami’an da ke bincike gidan amma mutumin da matarsa sun hana su shiga kuma sun rika zagin su.

A cewar ta, daga nan ne suka nemi taimakon ‘yan sanda, ko da yake su ma an hana su shiga gidan.

“Bayan haka ne ‘yan sanda suka haura gidan daga gidan makwabta inda suka samu matar cikin matsanacin hali,” in ji mataimakin kwamishinan ‘yan sanda Rajneesh Gupta hiarsa da BBC.

‘Yan sandan sun kama mutumin da matarsa bisa laifin hada baki wurin aikita laifi.

Yanzu dai an soma bincike kan dalilin da ya sa ma’auratan biyu suka azabtar da matar.

Source link



Source link

Kwantainoni cike da dala miliyan 60 sun yi batan-dabo

Source link

Ex-football star George Weah was elected president of Liberia in DecemberHakkin mallakar hoto
Getty Images

Image caption

A watan Disambar bara ne aka zabi tsohon tauraron kwallon kafa George Weah a matsayin shugaban Laberiya

Gwamnatin Laberiya ta ce tana bincike game da abin da ya faru da manyan kwantainoni biyu cike da kudaden da aka buga a kasar waje kuma aka shigar da su kasar tsakanin watan Nuwamba da na Agustan bana.

An ce kudaden, wadanda suka kasance takardar kudaden kasar da suka kai dala miliyan 60, sun bace.

Wani rahoto ya ce kwantainonin da suke makare da kudade sun bar tashar jirgin ruwan kasar a babban birnin kasar, Monrovia, a karkashin sa idon jami’an tsaro a watan Maris, kuma an zaci sun nufi babban bankin kasar ne, amma sun bace.

Hakazalika an kasa ganin kudaden da aka kawo ta babban filin saukar jirage na kasa-da-kasa.

Ma’aikatar shari’ar kasar ta nemi mutane su kwantar da hankalinsu yayin da wani kwamitin jami’an tsaro ke gudanar da bincike kan lamarin.

Ministan watsa labarai, Eugene Nagbe, ya shaida wa gidan rediyon kasar cewar Shugaba George Weah, wanda aka rantsar a watan Janairu, bai ji dadin rashin sanar da shi matsalar a kan lokaci ba.

“Abin tashin hankali ne,” in ji Mista Nagbe.

Kawo yanzu dai ba a kama kowa ba game da lamarin, amma ministan watsa labaran kasar ya ce yana da yakinin cewar za a gane hakikanin abin da ya faru a lamarin.

Source link



Source link

Za a hukunta masu yi wa mata saki uku lokaci daya a Indiya

Source link

Matan IndiaHakkin mallakar hoto
Getty Images

Majalisar zartarwar Indiya ta amince da doka mai tsauri da ta haramta yi wa mata saki uku lokaci guda.

Ministan doka na kasar Ravi Shankar Prasad ya ce daga yanzu za a rika hukunta duk mutumin da ya yi wa matarsa saki uku lokaci guda.

Yin saki uku lokaci guda ya zama tamkar ruwan dare a tsakanin maza Musulmi.

A cewar ministan, majalisar zartarwar ta amince da dokar ne saboda maza na ci gaba da aiwatar da irin wannan saki duk kuwa da hukuncin da kolin kolin kasar ta zartar na haramta shi.

Gwamnatin India ta dade tana kokarin ganin majalisar dokokin kasar ta amince da hukuncin daurin shekara uku ga duk mutumin da ya keta wannan doka.

Sai dai ‘yan hamayya na so a yi a dokar gyaran fuska ta yadda ba za a yi amfani da ita wajen musgunawa jama’a ba.

Source link



Source link

Rasha da Isra'ila na zaman tsama akan rikicin Syria

Source link

The Il-20 aircraft was returning to a Russian base on the north-western coast of Syria (file photo)Hakkin mallakar hoto
Getty Images

Image caption

Samfurin jirgin Rashar da aka harbo a Syria

Rasha ta bayyana matakin Isra’ila dangane da harbo wani jirgin yakin kasar a matsayin abin alhini da kuma abin kyama.

Ta kuma yi tir da matakan da sojojin sama na Isra’ila suka dauka, wanda kuma ta ke ganin shi ne dalilin harbo daya daga cikin jiragenta na yaki a Syria.

Ta bayyana cewa a bayyane yake cewa Isra’ila na daukan wasu matakai domin yin kafar angulu da tsarin zaman lafiya da ke samuwa a kasar.

Kasar Isra’ila ta musanta cewa ta na da hannu a wannan lamarin da ya auku.

Rasha ta yi fushi

Girman matsalar ta sa Rasha ta kira jakadan Isra’ila zuwa ma’aikatar harkokin wajen kasar domin ta bayyana masa bacin ranta kan asarar rayukan sojojinta da ke cikin wannan jirgin.

Mataimakin ministan harkoin waje na Rasha, Sergei Vershinin ya gana da mataimakin jakadan Isra’ila Keren Cohen Gat, a birnin Moscow.

Ya sanar da jakadan na Isra’ila cewa Rasha ta yi tir da halayyar matuka jiragen yaki na rundunar sojojin Isra’ila, wanda ta ce shi ne ya janyo aka kakkabo jirgin yakin Rasha samfurin Ilyushin-20.

Dukkan sojojin Rasha su 15 da ke cikin jirgin sun rasa rayukansu.

Duk da cewa dakarun Syria ne suka harbo jirgin na Rasha, amma Rasha ta yi imanin cewa Isra’ila na da hannu dumu-dumu a kan lamarin.

Sanarwar ma’aikatar tsaron Rashar ta bayyana cewa Rasha za ta cigaba da daukan dukkan matakan da za su kare muradunta a yankin gabas ta tsakiya.

Source link



Source link

An samu daidaituwa tsakanin Koriya ta Arewa da ta Kudu

Source link

Mista Moon Jae-in ya ce dangantaka tsakanin kasashen biyu na sake armashiHakkin mallakar hoto
others

Image caption

Mista Moon Jae-in ya ce dangantaka tsakanin kasashen biyu na sake armashi

Shugaban Koriya ta Kudu ya ce Koriya ta Arewa a shirye take ta rufe tashar harba makami mai linzaminta da ke Tongchang-ri a karkashin sa idon kwararru.

A karshen taron kwanaki biyu tsakanin kasashen biyu, Moon Jae-in ya kuma shaida cewa Pyongyang a shirye take ta dau wasu karin matakai, kamar rufe babban cibiyar nukiliyar Yongbyon idan Amurka ta dau matakan da suka dace.

A karon farko, kasashen biyu sun kuma amince da muradai guda na kwance damarar nukiliya a yankunansu, kuma kim jong-un ya alkawarta kai ziyara birnin Seoul nan bada jimawa ba.

Kasashen biyu na kuma fatan gina layin dogo da zai hade kasashen biyu da kuma neman damar daukar nauyin wasanin Olympics na bazara a nan gaba.

Amurka ta bayyana gamsuwarta da tattaunawar tsakanin kasashen biyu, kuma ta ce tana gab da cimma burinta.

Source link



Source link

Kun san hamshakin mai arzikin da ke son zuwa duniyar wata?

Source link

Yusaku MaezawaHakkin mallakar hoto
AFP

Yusaku Maezawa hamshakin mai kudi ne na kasar Japan da aka fara sani a matsayinsa na mai kada ganga a wata kungiyar mawaka.

Daga baya ya samu kudi a harkar sayar da kayan sakawa ta intanet, kuma an san shi a wajen Japan ta hanyar kashe miliyoyin daloli a wuraren baje-kolin zane-zane da ke cike da tarihi.

A halin yanzu dai burin Mista Maezawa ya dara zama kawai a duniyar ‘yan Adam.

Yana da burin zama fasinja farin fula na farko da zai fara tashi zuwa duniyar wata, a matsayin wani bangare na wani shiri tare da kamfanin Elon Musk, SpaceX.

Attajirin na Japan yana son ya yi tafiya da wasu masu yin zane-zane, a tafiyar da aka saka ran cewar za a yi a shekarar 2023.

Kawo yanzu dai Mista Maezawa, mai shekara 42, bai bayyana adadin kudin da ya biya domin tafiyar ba, lamarin da ya hada hamshakan masu kudi wadanda ba su damu da kasancewa a bainar jama’a ba.

Dan kasuwar na Japan ya fara sayar da tsaffin faya-fayen CD da wakoki a shekarar 1998 ta wani kamfanin da ya samar mai suna Start Today.

Harkar tasa ta ciniki ta hanyar wasika ta koma kan intanet a karshen karnin da ya gabata ya kuma kara kayayyakin sakawa cikin abubuwan da yaka sayarwa.

A farkon wannan shekarar, ya sanar da jaridar Japan Times cewar “Na kasance shugaban kamfanina a lokacin da nake yawo cikin kasar da kungiyar kade-kadena.

Da ya zama wani abin da ba zai yiwu ba in hada harkokin biyu, na zabi kamfanina – a wancan lokacin ina mai shekara 25 zuwa 26.”

Ya kaddamar da kamfanin sayar da tufafin zamani ta intanet Zozotown a shekarar 2004, kuma ya zama biloniya a lokacin da yake da shekara 30 da ‘yan kai.

A yanzu mujallar Forbes ta lissafa shi cikin a matsayin mutum na 18 da ya fi kudi a Japan inda yake da kudin da ya kai dala biliyan 2.9.

Kwanan nan ne kamfaninsa ya yi suna bayan ya kaddamar da kayan gwaji da mutane za su iya amfani da su wajen tura awon jikinsu da shafin kamfanin na intanet.

Ya kashe makudan kudade a manyan wuraren baje-kolin zane-zane, kuma ya kashe dala miliyan 110.5 kan wani babban zanen da Jean-Michel Basquiat na Amurka ya yi.

A lokacin ya ce ya yi shirin kaddamar da zanen ne a wani gidan tarihi a Chiba, inda nan ne garinsa.

A shekarar 2016, ya sake biyan dala miliyan 57.3 kan wani zanen Basquiat din na daban – mai suna Devil’s Head.

A wata sanarwar da ya fitar ya ce ya ji zuciyarsa ta kada a lokacin da ya fara ganinsa.

Hakkin mallakar hoto
yusaku2020

Image caption

Yusaku Maezawa ya manna hoton zane mai suna Devil’s Head a shekarar 2016 da rubutun da ke cewa : “Jean-Michel Basquiat na kan hanyarsa ta zuwa Japan”

A halin yanzu, hamshakin mai kudin yana shirin amfani da tafiyarsa Duniyar Wata domin ya bai wa masu zanen da zai tafi da su ilhama na manyan zane-zane.

“Za a tambaye su su yi wani abu bayan sun dawo duniya. Wadannan muhimman zane-zanen za su ba mu ilhamar kirkiro wasu abubuwa daga cikin kawunanm ,” in ji mutumin mai son zuwa sararin samaniya.

Bayan Yusaku da Musk sun yi shelar tafiya duniyar watan ne dai aka kaddamar da wani shirin zane-zane mai suna #dearMoon.

Kawo yanzu dai ba a bayyana iya kudin da Mista Maezawa ya yarda zai biya na tikitinsa na zuwa duniyar wata ba, amma Mista Musk ya ce “kudi ne mai yawa”.

Duk da haka, ana shakka kan ko Mista Maezawa da kuma masu zanensa za su iya zuwa su zagaye duniyar wata.

Tafiayar da suke son yi din za ta dogara ne kan wata roka da har yanzu ba a gina ta ba, kuma Mista Musk da kansa ya ce babu tabbacin cewa za a iya tayar da rokar.

Source link



Source link

Matsalar ambaliyar ruwa sai karuwa ta ke yi

Source link

Hukumar bayar da agajin gaggawa ta Najeriya, NEMA, ta ce fiye da mutum 100 suka mutu a kasar sanadiyar ambaliyar ruwa cikin mako biyu.Hakkin mallakar hoto
NEMA

Al’umomi a yankunan Najeriya da dama na ci gaba da juyayin asarar da suka yi sakamakon masifar ambaliyar ruwa da ta afka musu.

Gwamnatin kasar dai ta bukaci hukumar ba da agajin gaggawa ta tarayya da ta dauki matakin ta-baci sakamakon yawan al`umar da bala`in ya shafa.

BBC ta yi hira da wani wanda ambaliyar ruwa ta shafa a jihar Nejada ke a Arewacin Najeriya mai suna Aminu Babangida Gungu.

Aminu Gungu ya ce mutanen yankin na cikin wani mawuyacin halin a sanadiyyar ambaliyar ruwa da ta lalata kauyen nasu da kuma duk amfanin gonar da suka shuka.

“Ba gida, ba gona, ba dabbobi. Muna nan – ga bayin Allah cikin daji, ga kananan yara kan tsauni suna neman abincin da za su ci, amma babu. Ruwa ya ci mu, ya ci gidajenmu.”

Al’amarin ya faru ne a kauyen Gungu bayan ballewar wata madatsar ruwa a yankin.

Lamarin ya shafi wasu sassa na arewacin Najeriya.

A jihar Jigawa da ke arewacin Najeriya hukumar agajin gaggawa ta jihar ta ce yanzu haka akwai yiwuwar wannan ambaliyar ruwa ta doshi wasu kananan hukumomi na jihar.

Ya zuwa yanzu dai kimanin eka dubu 68 ne ambaliyar ruwan ta lalata a jihar, baya ga asarar gidaje da dukiya.

A cewar shugaban hukumar agajin gaggawa ta jihar Yusuf Sani Babura, ambaliyar ta fi yin barna ne a kananan hukumomin Ringim, da Taura, da kuma Jahun.

Source link



Source link